PM Modi-i industrialist sentsüh aodoktsür: Rahul Gandhi

Jaunpur (Uttar Pradesh), September 10 (Agencies): Honibarnü Congress tatong Tir, Rahul Gandhi-i, Ato kilonser, Narandra Modi kanga mazüngi election mapang senotsü agi pa yarir industrailist tem sentsüh otsür, ajisüaka pai sensakertem sentsüh atemabo bilema mali, ta aitsü.
Centre nung BJP-i aniba NDA sorkari iba linük nung aluyimertem tebilemtsü atema bilema mali, ta Congress lenirisa aitsü.
2014 Lok Sabha elections nung Modi-i nangzükba aitsüba dak sentakba nung Rahul-i, “Ozü sorkar tashii arura onoki aluyimertem sentsüh atoktsü,” ta nangzük.
Rahul-i lokti dang, nenok indang bank account nung sen lakh 15 ngur ma, ta asüngdang. Election rally nung lokti jagi ‘nunga’ ta langzüdang Rahul-i, “Atangjiji, Ato kilonser-i sen lakh 15 jenjang suit asemer,” ta aitsü.
Iba senden jakdang Malipur, Ambedkarnagar nung Congress lenir, Rahul-i state sorkar tashi nung aliba Samajwadi Party (SP) aija, iba tesem aika nung light power mali, ajisüaka electricity bills aika adoker, ta ashi.
Azükaru lenmang nung nübur ajak dendaktsütsü ta nangzüka Rahul Gandhi-i, state nüburtemi azükaru aginüra Congress Party nem vote agüjang, ta ashi.
Uttar Pradesh assembly election atema Congress nüboyim “Kisan Mahayatra” anogo pongnübuba nung Rahul-i Tanda nung aliba NTPC guest house nungi Malipur tashi nüboyima jaja, aser Malipur nung party lenir tain, Ghulam Nabi Azad-a aden.
Rahul-i Honibarnü Ambedkarnagar aser Jaunpur ayimjema nüboyimogo aser maneni Samajwadi Party (SP) tongti, Mulayam Singh Yadav’er parliamentary constituency, Azamgarh nunga nüboyimtsü.
Congress lenirtemi ashiba agi, Bakre-Eid benjung aliba ajanga Hombar aser Mongolbar anogotem nung nüboyimba sentong malitsü.