PM Modi-i ITBP sepai den Diwali amongtsü

New Delhi, October 28 (Agencies): Hokolbarnü Union Minister, Dharmendra Pradhan-i, Ato kilonser, Narendra Modi-i taküm Diwali benjung Uttarakhand, Chamoli sector kübok Mana Gaon yim nung Indo Tibetan Border Police Force (ITBP) sepaitem den külemi amongtsü, aser ibaji ajanga sepaitem tasü itshitsü, ta metetdaktsü.
“Diwali mapang Ato kilonser, Narendra Modi-i Mana Gaon semdangtsü aliba ajanga nüburtem pelateper. India nunger sepai aika iba tesem nungi lir. Iba yim Indian army den tera yanga lir,” ta Pradhan-i osangbenertem dang ashi.
ITBP sepaitem den Diwali amongtsü atema Honibanü Modi Chamoli-i apusoa aotsü.
Ato kilonser, Modi meina National Security Advisor Ajit Doval-a aotsü.
Yashi Ato kilonseri linük nüburtem dang sepaitem tashi itshitsü atema Army aser security sepaitem den Diwali salem osang lemsatepdaktsüner, ta ajungshia liasü.