PM Modi-i jembiba onüktem ajanga pa kodamasüba sayur: D Raja

New Delhi, March 29 (Agencies): Centre nung BJP-i aniba NDA sorkar aija tanü CPI National Secretary, D Raja-i, Ato kilonser, Narendra Modi dak tamang akaba samadar aser pai Assam o West Bengal na election nüboyim nung jembiba onüktem ajanga pa kodamesüi akumba sayur, ta ashi.

New Delhi nung osangbenertem den jembidang D Raja-i, “Ato kilonser Modi dak tamang akatsü atema BJP-i inyaktetba samaa odar. Pai Assam aser West Bengal na nung assembly election nüboyim sentongtem nung jembiba onüktemji ajanga pa koda mesüi akumba sayur; tamalen Bihar nüburtemia (election nung) pa sentoka liasü,” ta ashi.

Raja-isa, Modi aser par sorkari Skill India aser Startup India ama scheme tem tenzüktsüba ajanga o agi dang mapatong tajung sayur, kechiyong parnok inyakyimji corporate tem ajungkettsütsü atema dang lir, ta aitsü.

Pai ashiba agi, linük rongsenkettsüng, aluyimba aser industrial sector tem ajak nung timtem ajurua lir.

“Sensak tia anentsütsü atema sorkar sentong karbo ali asü (?) Modi-i nangzükba ‘tajung anogotem’ tu kong ali (?),” ta pai asüngdang.

Linük nung RSS-i Hindutva mapatongtem ajungkettsür ta aija Raja-i, “BJP ya RSS indang yimtenren kongsang aser hadir ka kümogo,” ta ashi.

Assembly election agitsü aliba state, Tamil Nadu nung CPI ya People’s Welfare Front den loktepa lir, aser iba Front ya Vijayakant’er DMDK den loktepa lir. Iba dak sentakba nung Raja-i, state-i DMK aser AIADMK dang nungi yimtenren nung temelenshi imlaa liasü, ta ashi.

PWF-DMDK-i Tamil Nadu nung iba temelenshiji agütsütsü, ta paisa shisem.