PM Modi-i kaketshirtem atema kaket ka zülu

New Delhi, Tsüklai 01 (Agencies): Mann ki Baat radio sentong nung Ato kilonser, Narendra Modi-i kaketshirtem tebilemtsü onük balala atema aiben jembia aruogo, aser iba dak sendakba nung pai kaketshirtem atema kaket ka züluogo.
Tatidang mapang nung anibelemer aser shisabulur kaketshirtem atema Ato kilonser, Modi-i kaket ka züluogo, aser iba kaketji Tsüklai (February) 3, 2018 nü sayatsü.
‘Exam Warriors’ kaketji ajanga tatidang mapang nung anibelem aser shisabulu koktettsü indang tasa asem shia lir, iba denji külemi yoga indanga lemsatepa lir.
Iba kaket ya Penguin-i publish asütsü.
Iba kaket nungjisa Ato kilonseri tatidang nung marks aika anguba dang nungibo kechiba shisatsü tajungba, iba onükjia lemsatepa lir.