PM Modi-i Make in India Week, Business Centre lapoktsü

Mumbai, February 13 (Agencies): BJP-i aniba NDA sorkari India ya alima nung kechisarena yangludak tiyongtsü ka kümdaktsütsü nükjidong lir, aser iba dak sentakba nung Honibarnü Mumbai nung Ato kilonser, Narendra Modi-i ‘Make in India Week’ sentong lapoktsüogo.
Tanü Mumbai nung Ato kilonser Modi-i Business Centre lapoktsüogo, iba Centre nung India nunger aser bendanger indang densema sector balala aser company balala nungi pavilion 27 shi lir.
Make in India week ya Centre sorkar aser Maharashtra state sorkar nati senteper ayongzüka MMRDA Grounds, Bandra Kurla Complex nung akar.
Business Centre lapoktsüba sentong nung Modi den Sweden Ato kilonser, Kjell Stefan Lofven aser Finland Ato kilonser, Juha Petri Sipila na dena liasü.
Make In India Centre sentong balala ajanga India linüki manufacture asüba, tasen purapiteta inyaktetba aser design sütetba tashi sayutsü.
Iba sentong nung tejaoker nisung 9000 dak temai shilem agitsü imlar.
Modi’er sorkari Make in India campaign ya 2014 küm September ita nung tenzüka liasü.
Tanü Modi den alima linük balala nungi jaokertem den külemi pavilions balala sema products aika reprangogo. Paisa Finland Ato kilonser Juha Sipilä den senden ka amendang Finland danga Make in India indang innovation, engineering, power plants aser biotech nung shilem agitsü jaokogo.