PM Modi-i Nepal linük semdangba sülen India tonga aruogo

New Delhi/Kathmandu, Monupii/May 12 (Agencies): Ato kilonser, Narendra Modi-i anogo ananü Nepal semdangba sülen tanü New Delhi tonga aruogo.
Pai Nepal semdangba mapang nung Nepal Ato kilonser, K P Sharma Oli ajurua senden amen aser Janaki temple, Mukhtinath aser Pashupatinath temples semdanga liasü.
Tribhuvan International Airport nungi pa India-i apusotsü atema Nepal Foreign Minister, Pradip Gyawali-i pa meinokja liasü.
Ato kilonser, Modi-isa Nepal Tir, Bidya Devi Bhandari aser tatong Tir, Nanda Bahadur Pun na den-a tongtibang onük aika jembia liasü.
Modi-isa taoba mapang Nepal nung Ato kilonsers- Prachanda aser Sher Bahadur Deuba na aser opposition lenir aika ajurua linük ana tesendaktep tajungba akumtsü atema jembia liasü.
Ato kilonser, Modi-i Nepal asemben tashi semdangogo aser taküm Nepal nung sorkar tasen akumba sülenbo tang mezüng temaba jenjang nung ketdangseri Nepal semdanger.
Yashi Nepal yimtiba, Kathmandu nung osangbenertem den jembidang Modi-i, linük ana tesendaktep nung India aser Nepal arrtsü lapoka dang ayuba ajanga tongtibang shilem ka agir, ta metetdakja liasü. Nepal aser India natisa tezüngzüktep tenet agiogo.