PM Modi-i OROP sangdong agütsütsü: Parrikar

Kutch, August 28 (Agencies): Yasüng tesü Union Defence minister Manohar Parrikar-i, mapang tetemsü nung Ato kilonser Narendra Modi-i ‘One Rank One Pension’ policy indang sangdong agütsütsü, ta ashi.

Kutch nung war memorial ka semdangba sülen osangbenertem den jembidang Defence Minister-i, “August 15 nü onük jembidang Ato kilonser Narendra Modi-i ‘One Rank One Pension’ indang jembioogo. Pai telemtetba ka agitsü aser mapang tetemsü nung pai sangdong ka agütsütsü,” ta ashi.

OROP menoa magizükba anema tang ex-serviceman tem New Delhi, Jantar Mantar nung lungkak sashia aitdagi.

Pakistan aser India na tsüngda NSA level senden thinener asünungji Director General of Military Operations (DGMO)-level ken o jembitsü asü (?) ta asüngdangba langzüdang pai, DGMO senden aser NSA senden naji onük balala, DGMO-level sendenjibo mapang shia akar, ta ashi.