PM Modi-i S Korea, Italy lenirtem ajuru

Hamburg, July 08 (Agencies): Honibarnü Ato kilonser, Narendra Modi-i Italy Ato kilonser, Paolo Gentiloni aser South Korea Tir, Moon Jae-in na ajurua linük tesendaktep tashi aittsü atema o lemtepa liasü.
Hamburg nung G20 senden aliba mapang nung Modi-i linük ana lenir ajurua liasü.
Taonung G20 senden tembangba sülen pa New Delhi-i meyipa arutsü.
Yashi G20 senden mezüng anogo nung Modi-isa jurila senden nung Japan lenir, Shinzo Abe aser Canada lenir, Justin Trudeau nata ajurua liasü.
Abe den senden amenba dak sendakba nung Ministry of External Affairs-i sangdong ka ajanga, linük anati linük tesendaktep reprangshiogo, ta metetdaktsü.
Ato kilonser, Modi-isa taruba senden nung Japan Ato kilonser, Abe ajurutsü yongyar aser ibaji ajanga linük ana tesendaktep tali tashi itshitsü imlar, ta metetdaktsü.