PM Modi-i Skill India Campaign tenzüktsüogo

New Delhi, July 15 (Agencies): Ato kilonser Narendra Modi-i mangdang tulu yur atemtetba Skill India Mission tanü pai New Delhi nung tenzüktsüogo.
India lanurtem teka mapa balala aser shishilembabaren nung jenjang ajungkettsütsü asoshi tenzüktsüba Skill India nung Model Skill Loan Scheme, Pradhan Mantri Kaushal Vikas Yojana kübok agizüka aliba züngsemtem asoshi Skill Card aser National Policy for Skill Development tasenba densema alir.
Skill India mission tenzükja Ato kilonser Modi-i, sensak tia anema onoki rara ayongzükogo aser iba rara nung takok angutsüla, ta ashi.
2022 küm tashi nungbo linük nung nisung crore 40.2 teka mapa balala nung takotet akümtsüji sorkar nükjidong lir aser iba nükjidong ataloktsü asoshi item mapatong benokogo.
Tanü Modi-i National Skill Development Mission, new National Policy for Skill Development & Entrepreneurship 2015 tenzüktsüba den külemi all-India flagship scheme, Pradhan Mantri Kaushal Vikas Yojana (PMKVY)-a tenzüktsüogo.
Model Skill Loan Scheme ya loan agütsüba inyakyim temelaba küma yangluogo; iba ya loan tera agütsüba nung bank tem ‘risk’ malitsü asoshi onoki credit guarantee fund den sentakteptsü, ta Modi-i ashi.
Paisa, skill development asoshi India-i tongtibang mera ka agiogo aser alima nung mapa inyakertem linük nungi timtiba adoktsü asoshi inyaktsü, ta ashi,.
Skill India mission ya maongka junga manguba kaketshirtem asoshi lir, ta Modi-isa shisem.
Pradhan Mantri Kaushal Vikas Yojana (PMKVY) kübok agizüka alirtem nem Skill Card agütsütsü.
Tamalen aliba National Policy on Skill Development ya 2009 küm Ministry of Labour & Employment-i benoka liasü aser linük o International tensa apir mapatong melenshitsü atema küm pongu sülen reprangshimtsü lateta liasü.