PM Modi-i tanü Kerala semdangtsü; Nisung lakh 2 shi talidak maka

New Delhi, Luroi (August) 17 (Agencies): Prime Minister Narendra Modi-i Küptoknü (Saturday) tzümetsüng timtem ajurua aliba Kerala state semdangtsü akok.
Iba timtem ajanga lendong balala nung nisung 160 dak tema taküm samogo aser lakh 1.5 shi relief camp balala nung jenoka lir.
Tanü Modi-i Kerala Chief Minister Pinarayi Vijayan den phone ajanga jembi aser akokba tashi yaritsü ta nangzük.
Rogonü (Friday) Cabinet Secretary lenisüba kübok high level committee pur senden ka mena tzümetsüng tensa indang olemtepogo.
Kochi nung aliba Naval airstrip nung civilian airlines anentsü atema Kerala sorkar dang shiogo kechiyong tzümetsüng ajanga civilian airport shibanga lir ta tanü Home Ministry ketdangser kati ashi.
Ministry of Civil Aviation nungi ketdangser telok ka Küptoknü Cochin-i aotsü aser iba tayimtsü anendak nungi turboprop flight tilatem senzütettsü asü masü ta asüba reprangdangtsü. Iba sülen civilian tayimtsütem senzütsü atema telemtetba ka agitsü, ta Secretary, R.N. Choubey-i ashi.
Cochin International airport ya tzü agi metsüngbanga lir aser Luroi (August) 26 tashi shibangtsü telemtetba agiogo.
Cabinet Secretary P.K Sinha menden ser National Crisis Management Committee (NCMC) senden amendang, Kerala aser Tamil Nadu nungi Chief Secretary tem den video conference ka agi.
“Kerala nem Army, Navy, Air Force, Coast Guard and National Disaster Response Force (NDRF) den tanga teyaritem agütsütsü atema telemtetba agi” ta Home Ministry otongdar kati ashi.
Tang tashi nung Centre-i motorised boats 339, life jackets 2,800, life buoys 1,400, light towers 27 aser raincoats 1,000 tashi agütsüogo. Ano, motor boats 72, life jackets 5,000, life buoys 2,000, light towers 13 aser raincoats 1,000 bener yoktsü.
“Indian Navy-i rong 51 den diving teams, life jackets 1000 aser gumboots 1000 tanü Kerala-i yokogo. Parnoki ghonda 48 nung rescue maparen atema sorties 16 tashi senzü” ta MHA otongdar kati ashi.
Coast Guard-ia rong 30 den rescue teams, life jackets 300, life rafts 7 aser life buoys 144 tashi amshidar.
IAF-i helicopter 23 aser transport aircraft 11 tashi mapa lemzükja lir. Army-i columns 10, Engineering Task Forces (ETFs) 10 mapa lemzüktsüba den rong 60 aser life jackets 100 tashi amshidar. NDRF-i rescue teams 43 aser rong 163 den tanga osettem amshidar.
Railways-i water bottles 1,20,000 tashi agütsüogo aser ano water bottles 1,20,000 bener yoktsü. Parnokisa train balaka nung tzü tajemtsü litre lakh 2.9 bener yokdar aser iba train ji Küptoknü (Saturday) Kayakulam atongtsü.