PM Modi-i taoba PM Manmohan ajuru

New Delhi, January 05 (Agencies): Tanü New Delhi nung Rajya Sabha senden tembangba sülen Ato kilonser, Narendra Modi-i taoba Ato kilonser aser Congress lenir tain, Manmohan Singh ajurua salem.
Hopta ana tejaklen Gujarat election atema nüboyimba mapang Modi aser Manmohan na kanga aitsütepa aruba sülen tanü tena ajurutepa salemogo.
Rajya Sabha Chairman, M Venkiah Naidu-i senden tembangba sülen ‘Vande Mataram’ ken aten, iba sülen Modi-i opposition amenba tsütsüleni oa Manmohan densema opposition züngsem kar ajurua salem.
Ato kilonser, Modi-i Manmohan ajurua salemba sülen pa den jembi.
Modi-isa Deputy Chairman, P J Kurien aser Congress lenir tain, Karan Singh nata ajurua salem. Karan kümsük January 27 nü tembangtsü.
Gujarat election atema nüboyimba mapang nung Modi-i Manmohan anema jembiba atema Modi-i tatok meshitsüla, ta Congress züngsemtemi takhangba agütsüba ajanga Lok Sabha aser Rajya Sabha naprong nung rongrong adoka liasü.