PM Modi-i totzü company ketdangsertem den ajuruteptsü

New Delhi, Mongputeni (October) 14 (Agencies): Prime Minister Narendra Modi-i Hombarnü totzü company tem nungi tongti ketdangsertem den ajurutepa senden amentsü liaka Deobarnü totzü jenjang maneni tuogo.
Yashi tashi Delhi nung petrol litre nung sen 82.66 agi ayok saka tanü litre nung 82.72 aküm.
Kasaji, tanü Mumbai nunga petrol litre nung sen 88.18, Kolkata nung sen 84.54 aser Chennai nung sen 85.99 agi ayok.
Modi-i alima aser linük nung totzü company ketdangsertem den tang agi tasembenbuba ajuruteptsü.
January 5, 2016 nü Modi-i mezüng parnok den ajurutepa senden amendang natural gas jenjang reprangshimtsü tebilemba lemsatep. Iba sülen küm ka dak tema lir sorkari tzüyim ama totzü ano matsütetba tesemtem nungi natural gas jenjang ajungkettsü temelaba agütsü.
October 2017 nung kasa ketdangsertem den senden amendang ONGC aser OIL meyong oil & gas fields nung foreign aser private company temi shilem agitsü indang tebilembatem lemsatepa liasü.
Hombarnü amenba senden nung Saudi Oil Minister Khalid A Al Falih, BP CEO Bob Dudley, Total head Patrick Fouyane, Reliance Industries Chairman Mukesh Ambani aser Vedanta Chairman Anil Agarwal nungertem adentsü ta osang ka ajanga ashi.
Iba senden ya NITI Aayog ajanga acha-ayanga amentsü aser totzü nung jenjang atuba den US-i Iran nem tenokdangba agüja aliba onüktem benoka lemsateptsü.
Senden nungsa Organization of the Petroleum Exporting Countries (OPEC) Secretary General Mohammed Barkindo, Union Minister of Petroleum and Natural Gas Dharmendra Pradhan, ONGC Chairman & Managing Director Shashi Shanker, Indian Oil Corporation (IOC) Chairman Sanjiv Singh, GAIL India head B C Tripathi, Hindustan Petroleum Corp Ltd (HPCL) Chairman Mukesh Kumar Suran, Oil India Chairman Utpal Bora aser Bharat Petroleum Corp Ltd (BPCL) Chairman D Rajkumar nungertem adentsü.