PM Modi nem aluyimertem mesendokdaktsütsü: Rahul

New Delhi, January 03 (Agencies): Tanü Congress Party Tir, Rahul Gandhi-i Ato kilonser, Narendra Modi dang, mera takang magira 2050 küm tashi nungbo linük nung wheat züsentetba shilem 23 agi tajemba akumtsü, ta agriculture ministry-i report agutsüba atema sorkari kechi inyaktsü, ta asüngdang.
Rahul Gandhi-i, pai Ato kilonser Modi nem aluyimertem aser parnok tebilemtsü onüktem mesendokdaktsütsü, ta ashi.
Agriculture ministry-i Estimates Committee dang, mapang shidak nung mera takang agia meinyakra 2050 küm tashi nungbo linük nung wheat züsentetba shilem 23 agi tajemba akumtsü, ta metetdaktsüba osang ka nung ajemdaker Rahul-i iba o ya jembiogo.
Rahul-i, “Kanga shisa taka Ato kilonseri, ‘Climate change matalok. Asenok melenshiogo’ ta jembi. Pai ya angatettsüla, pai aiaura kaaka mesüra magizükaka, ochiji memelenshir,” ta ashi.
Mera takang agia meinyakra 2050 küm tashi nungbo linük nung wheat züsentetba shilem 23 agi tajemba akumtsü, ta agriculture ministry-i report agutsüba nung ajemdaker Rahul-i Facebook post ka ajanga, “Ato kilonseri kechi mera agia inyaktsü bilemdar, ibaji pai linük nüburtem nem metetdaksütsüla. Ni pa nem aluyimertem mesendokdaktsütsü,” ta ashi.