PM Modi RSS senden nung aden

New Delhi, September 04 (Agencies): Sangh Parivar tentettem aser sorkar tsüngda senden tasembuba anogo Hokolbar nü Ato kilonser Narendra Modi denogo aser item senden nung tongtibang onük aika benoka jembiogo.

Senden nung linük security, Maoists telungpur tebilemtsü aser Jammu & Kashmir densema tongtibang onük aika jembiba nung Modi’er sorkar nung tongtibang minister tem aikati shilem agiogo.

Ano asemnü senden nung RSS aser parnok telen tentettemi benokba tongtibang onük apir Home Minister Rajnath Singh, Finance Minister Arun Jaitley, External Affairs Minister, Sushma Swaraj, Union Minister of Urban Development, Housing & Urban Poverty Alleviation & Parliamentary Affairs, Venkaiah Naidu, Chemicals & Fertilizers Minister Anant Kumar aser  Defence Minister Manohar Parrikar nungeri shilem agiogo.

Senden nungsa tawa sayaba census, OROP, Gujarat nung Patel kin lungkak aitba, land bill, labour reforms, education policy, rongsenkettsüng aser shisaliok onüktem nung jembiogo.