PM Narendra Modi-i Pakistan semdangtsü: Sushma Swaraj

New Delhi/Islamabad, December 09 (Agencies): Sangküm Ato kilonser Narendra Modi-i Pakistan semdangtsü, ta Bodhbar nü External Affairs Minister (EAM), Sushma Swaraj-i ashi.

Modi-i South Asian Association for Regional Cooperation (SAARC) summit nung shilem agitsü, ta Sushma Swaraj-i tanü Islamabad nung osangbenertem dang ashi.

Modi-i Pakistan semdangba mapang Sushma Swaraj-i pa meina arutsü ta shiogo, ta Geo TV osang ajanga metetdaktsü.

Tang Sushma Swaraj Pakistan yimtiba, Islamabad nung Afghanistan nung yimjung atema Heart of Asia Conference nung dendagi.

2012 küm India external affairs minister SM Krishna-i Pakistan semdangba sülenbo tang ang India external affairs minister kati (Sushma Swaraj) Pakistan semdanger.

Taküm July ita Russia, Ufa nung Shanghai Cooperation Organisation (SCO) senden aliba mapang Pakistan Ato kilonser Nawaz Sharif-i sangküm SAARC senden nung adentsü atema Modi jaoka liasü, aser Modi-ia ibaji agizükogo.

Ufa nung linük ana nungi lenir senden amenba sülen foreign secretary tem dang India-Pakistan tsüngda national security advisors senden atema inyakang ta tuyua liasü.

Ajisüaka taküm August ita New Delhi nung Doval aser Pakistan NSA Sartaz Aziz na NSA senden amentsü aliba thinena liasü.

Iba sülen Ato kilonser ana November 30 nü Paris nung Conference of Parties (CoP-21) senden nung ajurua liasü.

Taküm December 6 nü Bangkok nung India NSA Ajit Doval aser Pakistan NSA Naseer Khan Janjua na miima National Security Advisors (NSAs) senden menogo. Iba senden nung Foreign Secretary- S. Jaishanker aser Aizaz Ahmad Chaudhry nata densema liasü.

Iba senden tembangba sülen linük anapronglai külem sangdong ka ajanga, “Yimjung, security, kiralongraba aser Jammu & Kashmir onük densema onük aika jembiogo, iba den külemi LoC (Line of Control) nung tesünep atema-a jembiogo,” ta metetdaktsü.

LoC ya ajanga India aser Pakistan na tsüngda Jammu & Kashmir lemdanger.