PM2.5-i meimchir nem bener arutsüba timtem kar

Taküm Diwali benjung amongba sülen Delhi aser temeket tesemtem nung alirtemi mopung nung densemba Particulate Matter (PM) den sentakba timtem ajurutsü tenzüka lir.
Mopung nung PM densemba ajanga tila tanur, tantsür tambur aser tashidak balala anema raratsü tashi ajema alirtem indang temang jenjang mejungi kümdaktsür.
PM ya nisung tenük agi manguba aser alima meketa mopung nung densemba tzü mesüra telung tilalatem lir.
Alima nung meimchirtemi tapumeina inyakba ajanga adoktsüba carbon, mokozü, metals, nitrates, sulfates, auyi, tzü aser rubber nunger meyoktepa PM ya akümer.
Meimchirtemi tango sashidang PM temang telung nung senokba ajanga temang tia mejungi kümdaktsür.
PM tilatem dang PM2.5 aser tulutem dang PM10 ta ajar aser PM ilaba yari nisunger nem lendonga tesashiba bener arutsür.
PM2.5 senokba ajanga bener arutsüba timtem kar yangi lemsateper:
# Tali aketdaktsür.
# Tango sashitsü saka kümdaktsür.
# Tenük, teni aser trok mesakdakja timtem agütsür.
# Asthma tashidak tamajungba kümdaktsür.
# Tila tanurtem rongnung taküm tepiyong timatemtsüsa tango sashitsü timtem adoktsür.
# Temulungjang mapa meinyaki timtemba lendong bener arutsür.
# Tepokpok nem timtem agütsür aser tia makarbo tepokpok cancer agi shiranga asür.
(Source – Internet)