PMGSY Works Phase-IX senden NPWD Conference Hall Kohima nung amen

Dimapur, November 24 (TYO) : Nagaland nung tang teinyakdak Prime Minister’s Gram Sadak Yojana (PMGSY) Works Phase-VIII inyakyim asadangba senden ka NPWD Conference Hall Kohima, Nagaland nung menogo, ta Chief Engineer, PWD (R&B) Nagaland : Kohima sangdong ka ajanga metetdaktsü.
Iba senden nung Roads & Bridges Kilonser Y. Vikheho Swu-a dena pai tang teinyakdak mapa indang osangtem agi.
Senden nung pai iba scheme indang inyakyim aser technology tasen ajak kanga nendaka metetpelaa inyaktsüla, ta engineer tem ajungshi.
Pai Nagaland nung sen peria maliba ajanga infrastructure renloka inyaktsü tsükdakba lemsatep.
Phase- VIII buba PMGSY Project tem metembangteter kechiba süra state finance ajanga department nem senotsü mapang shitak nung nüngdakba ama magütsütetter, ta senden olemtep nung jembiaogo.
Aji tang masü saka ano project tanga-a aika nüngdakba Link routes aser Through routes tem majungba agi menur aser project inyakba tesemtem nung nüngdakba aputem DPR-i junga meremtsüba ajanga tamakok alua lir.
Iba senden nung ano lemtetja aliba ama district 8 nung Upgradation Work 16 aser district 6 nung sendaktepba gari lenmang tasen 13 yanglutsü indanga jembi.
Tanü senden nung tang teinyakdak PMGSY gari lenmangtem nung Steel Bridge 50 nüngdaker ta benokogo.
Iba senden Er. Lopongol Angami, S.E (Design)-i ketdang asü aser Er. Krosu Rhetso, Chief Engineer (R& B)-i tarurtem ajak pela agizükba o jembi.
Senden nung technical session atema shisalen tuyurtemji PMGSY staff tem liasü.