PMO website nung Assamese & Manipuri enoksem

Guwahati/Imphal, Aenjeti (January) 3 (Agencies): 2018 küm mezüng anogo nungi Prime Minister Narendra Modi indang official website, www.pmindia.gov.in lapokogo aser iba website ya oshi 13 nung lapoka lir.
Iba website ya Hindi aser English den tanga oshi 11 dena lir aser oshitem rongnung Assamese aser Manipuri dena lir.
Tanüngba oshitemji Bengali, Gujarati, Kannada, Malayalam, Marathi, Odia, Punjabi, Tamil aser Telugu lir.
Prime Minister indang website nung Manipuri aser Assamese enoksemba atema state anaprong nung alirtem kanga pelatepba metetdaktsüogo.
Manipur chief minister N Biren Singh-i Facebook nung Prime Minister dang kanga pelaba metetdaktsü aser Assam finance & health minister Himanta Biswa Sarma-i Twitter nung pelaba metetdakja liasü.