‘Pneuma’ The Spirit of Revival’ kaket ka sayaogo

Dimapur, November 3 (TYO): Yimozülur Mezhusevi Zutso aser Kohima Bible College kaketshirtemi züluba ‘Pneuma’ The Spirit of Revival’ kaket ka tanü sayaogo.
Iba kaket ya Rev. Neivotso Niekha nem tetushi agüja zülu aser Nagaland Christian Revival Church, Kohima nung Rev. Vevozo Khamo-i sayatsü.
‘Pneuma’ ya Christian Revival Church indang atongtepa adokba kaket nung mezüngbuba shilem lir aser iba ajanga CRC laishirtem, kaketshirtem aser züngsemtem dak sendakba tebilemtsütem benoka lir.
CRC CRC theology indang kaket zülutsüba kanga nüngdak ta ajitetba aser ano Rev. Neivotso Niekha nem tetushi agütsünüba agi kaketzülurtemi iba kaket zülutsü mulungtet. Rev. Neivotso-i küm 50 tashi Tsüngrem aser CRC nübortem tenzükba mapa inyak, ta kaketzülur Mezhusevi Zutso-i ashi.
Kaket mezüngbuba tapak nung Rev. Dr. Neivotso Niekha indang taküm otsü tatsüka zülua lir.
Mezhusevi Zutso ya Joint Secretary Literature NCRC aser ‘Pneuma’ yimozülur lir. Paisa ‘Satanism: Naga teens and Devil Worship’ ta ser kaket ka züluogo.