Pogba atema kishi sadema lapoka lir: Ramos

Rongjui/September 10, 2019 (Agencies) : Real Madrid captain Sergio Ramos-i ashiba agi, Manchester United midfielder Paul Pogba Real Madrid-i anir arutsü jangrar kechiyong pai team liromedema kümdaktsütettsü.
‘Pa ama asayar tajung asoshi Real Madrid keshi teti sadema lapoka lir,” ta Sergio Ramos-i ashi.
June ita Pogba-i tangalen oa asayanüba lemsatepogo, ajisüaka summer transfer mapang pai club toktsür aotsü merangba tamakok angu kechiyong Manchester United puri pa yoktsü mulunga maliasü.
Daily Express den sensaksemba mapang Ramos-i ashiba agi, Pogba ya asayar tajungtiba rongnung ka lir aser pa Real Madrid-i teti pelashishia agizüktsü. “Pa asayar balaka lir aser ibaji pai Juventus aser Manchester United nung sayuogo. Pai team ka liromedema kümdaktsü ama bilemer. Pa aso ajen tajung aser kanga junga asayar,” ta pai ashi.
Real Madrid puri Eden Hazard, Luka Jovic aser Eder Miliao nunger amala asayar aliba nung £270million dak tema indokogo. 2018/19 season nung Real pur LaLiga champions Barcelona dang nungi point 19 agi tajemba nung tembang aser Champions League nung Ajax puri tsükdaktsüba den Copa del Rey semi-finals nung Barca puri tsükdakja liasü.