Pokemon GO India nung sayatettsü

New Delhi, December 14 (Agencies): India nung Pokemon GO sapur asoshi osang tajung kaji- alima tesem aika nung iba asaya tenzüker ita 5 shi arudagi aser India nunga iba asaya sayatettsü; Iba ya Reliance Jio aser Niantic ajanga bener arursü.
Iba ajanga Pokemon Gyms mesüra PokeStops atema Reliance Digital Store aser par teshimtet partner aika amenloktsü.
“Jio den partner süa India nung Pokemon Go sayatsü asoshi onok kanga pelar,” ta Niantic Chief Executive Officer aser Founder, John Hanke-i ashi. “India nung Pokemon sapurtem, Jio indang 4G LTE Network amshia temai adoka temeket tesemtem nung Pokemon bushitsü asoshi kanga yongyar,” ta paisa shisem.