Pokhungri yim anasa gari lendong atalok

Dimapur, Aenjeti 17 (TYO): Aenjeti 15, 2018 nü Pokhungri yim anasa Pokhungri-Avangkhu Road nung bike ka tsükokba lendong nung nisung ka tenüng agi, Daniel asü aser ka yiru.
Aenjeti 15, 2018 anüngdang 11:00 ako meta Daniel Avangkhu yimdaki aodang iba lendongji ataloka liasü; iba yimdak pa aayanga liasü.
Iba osang angazüka HQ IGAR (North) kübok Phek Battalion-i rescue team ka den Pokhungri nungi Quick Reaction – Team ka lendong atalokba tesem jagi yoka liasü.
Iba sülen rescue team ji lenkübok jagi lua nisung anaprongji agitetba sülen yirua alisang nem Nursing Assistant kati first aid agütsü aser asür tasümangji par kinüngertem ket nung agütsü.