Pokzüng nung lasüng achiba tajangzük

Lasüng ya alima ajunga nung chiyongtsü balala den meyoktepa kanga sapua achir. Lasüng nung ya antioxidants, antimicrobial aser antiseptic properties tem keta lir. Tepok tazüng nung lazüng achiba ajanga metabolism ajungkettsür, LDL cholesterol level tajemba kümdaktsür aser hypertension o diabetes azüoka yuteter. Iba chiyongtsü ajanga temulungjang tashidak, stroke, cancer aser infection nunger amala den raratsü asoshi nü temang renema doktsür. Nisung aikati lasüng nung tezüknem tasa aliba ajanga memejakteter anungji memejakaka lemsar tzü agi meyokzüka yoktettsü.
Lazüng achiba ajanga tajangzükba agütsüba kar yamai agütsür:
1. Diabetes azüoker: Type-II diabetes ya kanga bulua kümdar aser iba ya asen libaliro aser chiyongtsü shidak machiba ajanga adoker. Lasüng yagi blood sugar level regulate asür. Bushisüngdang ka nung diabetes aketba koya ka dak hopta tenet tsüngda nung lasüng agütsüba ajanga blood sugar level shilem 57 agi tejemba akümba ngutetogo. Kasa bushisüngdang ajanga lower serum cholesterol levels shilem 40 agi tajemba akümba aser triglycerides level shilem 35 aser urinary protein level shilem 50 agi tajemba akümba ngutetogo.
2. Brain Health: Lasüng achiba ajanga tekolok ya oxidative damage nungi kümzüker koba ajanga Alzheimer nunger amala tashidak adokdaktsür.
3. Temang tozük ajemdaktsüba nung teyari agütsür: Lasüng achiba ajanga temang nung temobo marunger saka metabolism takaraba kümdaktsür, digestion tajungba kümdaktsür aser gut health tajungba kümdaktsür. Maneni iba ajanga HDL timba kümdaktsür aser LDL level tajemba kümdaktsür.
– Source : Internet