Police Bike mesüka yangluba Bajaj Dominar 400 sayaogo

New Delhi, Metsüremi 10 (Agencies): Motorcycle rongnung Bajaj Dominar 400 segment ya kanga jangratemtsü aser nüngtugu lir. Iba amaji, Bajaj Dominar 400 motorcycle ajanga Bajaj puri Royal Enfield indang Classic den toktepa arudar. Tang Bajaj company-i Dominar 400 ya police bike mesükba nung avatar tasen ka yangluogo.
Iba Bajaj Dominar 400 avatar ya ‘Polis’ ta ang ajatsüla, kechiyong iba motorcycle ya India nung masü saka Istanbul, Turkey nung ang avatar ya agütsüogo.
Terprangtsü ajak nung police bike mesüktsü asoshi Bajaj Dominar indang design tem yanglushiogo.
Istanbul police temi aginüba ama, iba bike indang livery tasen melena inoka yangluba ya kanga janga noksa nung angur. Dominar avatar tasenba nung, red-blue emergency lights, siren, wind-deflector talangba aser bike tesülen luggage rack ka luggage box amenoktsü atema yanglua lir. Iba bike handle nunga knuckle protector ,headlamp protector aser incorperate turn indicator inoka yanglu.
Turkey nung ayokba Bajaj Dominar 400 ya Euro-4 emission norm nung ajemdaker yanglu aser dual channel ABS inoka lir.
Bajaj Dominar nung engine ya KTM Duke 390 engine dak amendaker yanglua lir saka totzü ajema arongtsü asoshi engine ‘tuning’ süshitsüogo. Dominar bike nung 373 cc single-cylinder engine keta lir aser fuel injection den keta aliba angutsü. Iba bike yagi 35hp tashi aser 35 Nm torque agütsütsü.