Police Dept. nung tzümarlongmar 239 shimba anema okadak keno benokogo

Dimapur, May 5 (TYO): May 5, 2017 anogo Gauhati High Court, Kohima Bench okadak nübur asoshi inyaker Wb. S. T. Yapang Lkr ajanga PIL keno ka benokba court ajanga agizüka yuogo.
Iba keno nung Police Department nung 2013 nungi 2016 tashi nung taila appoint asürtem reprangshitsü aser bushisüngdangtsü asoshi agizüka yuogo.
Wb. S. T. Yapang Lkr-i RTI application ajanga ngutetba agi Nagaland Police establishment (Police Battalion, DEF, NPTO, Police Engineering Project aser PHQ) nung tzümarlongmar (Non Local) 239 tashi aniokba khuli tejangja lir.
Iba keno angadangba sülen Okadaki tanü nungi Police department aser establishment-tem nung iba amala temzüng agi memelaba mapa nung manioktsü tetuyuba agütsüogo.
Iba keno ya Obendanger (Justice) S. Sereto ajanga angadang aser nübur tenüng nung okatsürji Advocate Wb. N. M Jamir liasü.