Police-i Beyonce Knowles kenten sentong nokdangtsü

Los Angeles, February 19, 2016 : Tan ita Super Bowl 50 nung Black Panther inyakyim nung shilem agiba sülen Beyonce Knowles aolen ajak nung police tem mepelar. Miami nung police union kati yimti nung aliba Marlins Stadium nung April 26 nü la kenten sentong magidaktsüi nokdangtsü ta metetdaktsüogo.
Black Panther Party ya 1966 küm tentet aser iba telok yagi tanak nisungtem US sorkar dang nungi kümzüka ayuba mapa inyak. Iba den külemi parnoki lokti senden aser sentongtem ayonga ‘revolutionary socialism’ tentettsü asoshi rara.
Miami Fraternal Order of Police nung Javier Ortiz-i Benyonce kenten sentong nokdangtsü osang Brihostibarnü sangdong ka ajanga metetdaktsü, ta aceshowbiz.com ajanga ashi.
Pai Knowles-i “Formation” ajanga iba asayamung nung shilem agiba mapang US nung Black Panthers ajungketa America nunger tsüngda lemdangtsü osang agütsüba aitsü.
Linük nung ketdangsertem ajaki Knowles sentong nokdangtsü asoshi Ortiz-i tayongzükba ka agütsüogo.
“Onoki linük nung ozüng amshirtem ajak dang iba sentong nokdangba nung shilem agitsü asoshi asüngdangogo,” ta paisa ashi.
Knowles-i Super Bowl nung shilem agidang nübur aika jashidaktsüogo. Lai shilem agiba mapang New York Mayor Rudy Giuliani-i “Iba yabo Police ketdangsertem anema lir” ta shia mepelaba olen ka shia liasü. Iba den külemi NFL headquarters, Manhattan kima telok ka adenshia Knowles anema lungkak aitsü sentong yanglua liasü saka telokji madenshitet süidaktsü.