Police-i injang akahdang Manipur tsür ka yiru

Imphal, May 29 (Agencies) : Nüburtemi memulungba Bill kar benokba anema longkak aitdang Police-i injang akahba mapang Manipur tsür ka yiru aser la tenarong agi kecha mangashi kümer lir, ta Deobarnü ketdangsertemi metetdaktsü.
Osang ajanga ashiba agi, Honibarnü yiruba sülen Imphal anülolen alir Manipur tsür arishi küm 40 tain, K. Thoibi tenarong achijilen nungi kecha mangashi kümogo. Iba tenarong jagi teti atema mangashitsü akok ta tsübua bilemer.
Police-i tenük rabangdaktsüba tango aser tapoktsü mesükba kar pokdaktsüba mapang tetsür 24 yirua mozü kidangi anir ao, ajisüaka parnok timba ka mozü kidang nungi yokogo.
“Police temi rubber injangji ozüngi mela aliba ama teperem ser tsünglanglen masü saka teperem ser tekalen kahloktsü ta tang yirur alila ajanga jangja meteter aser ibaji kanga tim masüba mapa lir,” ta tetsür temeten atema inyakertemi ashi.
Tensa azüoktsü atema Imphal anüdoklen aser anülolen tesemtem nung police temi kanga sashia mitdar.