Dimapur, July 14 (TYO) : July 11, 2016 nü Dimapur police-i ozüng alema company aika indang pre-activated SIM card ayoker, Prem Shah’er jabaso Ashish Shah apu, ta Addl. Dy Commissioner of Police/PRO, Dimapur, Nagaland sangdong ka ajanga metetdaktsü.
Mezüngbo pa dokan nungi SIM card 117 nguteta lir. Ashish Shah indang dokan ya Hazi Park tesem nung lir, ajisüaka par kidang oa mita bushisüngdangba mapang ano SIM card 1241 ngutetogo. Item Sim card tem ya kar pre-activated aser karbo ano activate masübatem lir. SIM card den külemi stamp seal 19, Village Council balala indang Letter pad, nisung 500 dak tema indang passport noksa aser document taila aika nguteta lir.
Iba case kanga junga bushisüngdangdar kechiba süra ibai Department of Telecom ozüng alema inyakba aser lendong aketba mapa lir, ta sangdong nung shia lir.
Iba inyakyim nung service provider tem teka dena ali asü mali-ar ibajia jungjunga bushidangdar, ta kasa sangdong ajangsa metetdaktsü.
You must be logged in to post a comment Login