Police-i sen 15,00,000 alang ganja pua lir

Dimapur, April 28 (TYO): DEF Kohima nungi District Intelligence Branch-i Kidima Junction Kohima nung ajungben garitem mita aoba mapang, April 27 nikongdang 3:00 ako meta, registration number NL-07-6609, Chassis No. – MA1TB2BSL72G85993 aser Engine No. – BS74G41498 keta aliba Mahindra Scorpio ka den registration number MN-07D-2029, Chassis No. – ZN2GHKD1J69186, Engine No. – GHD1J76949 keta aliba Bolero Pickup gari shia nung ganja seret noklang ka ser tenemnem (150 each) bena aliba apu. Gari ana nungi ngutetba ganja ya National market nung sen lakh 15 alang lir, ta Sub-Divisional Police Officer (South) & PRO
Kohima, Nagaland Atu Zumvü-i sangdong ka ajanga metetdaktsü.
Sangdong ajangsa ashiba agi, iba dak sentakba nung Khuzama P.S Case No. 0018/2016 U/S 20 (b) (ii) (C) NDPS Act aser Khuzama P.S Case No. 0019/2016 U/S 20 (b) (ii) (C) NDPS Act kübok nisung ana-Sinakeithei, Manipur nungi Singshap Shangrei’er jabaso,  Mahindra Scorpio anisang, arishi küm 30 tain, Ngayao Singshap aser Sinakeithei, Manipur nungisa Singshap Peace Alice’er jabaso, Bolero Pickup anisang, arishi küm 28 tain, Peace Alice na pua lir.