Police-i taila Zonal Taxi ka apu

Dimapur, August 3 (TYO) : Kohima Police-i temulung melemi bilemba agi NH-29 nung Tata Sumo gari (B/R No. NL-05C-2961) apu aser reprangdangdang gari indang Chassis aser Engine number melenshir aliba putet.
South P.S Kohima nung Anti-Vehicle theft squad team-i ibaji putet aser engine o chassis number ji registration certificate den meputet liasü.
Police-i bushisüng-danga aodang iba gari ya Kohima aser Dimapur tsüngda temelaba melii Zonal taxi ama küm ka dak tema amshia aruba bushitet.
Iba dak sendakba nung police-i Sukumi yimer Kisheto Aye’er jabaso Tokuto Aye puogo. Pa ya tang Officers Hill, Kohima nung telidak lir aser Kohima South P.S nung ken o ka benokogo.
Maneni police-i iba gari kibur bushitsü tenzükogo.