Police-i Tarun Gogoi nem security agütsütsü nangzüker

Guwahati, December 20 (Agencies) : Assam Police-i taoba chief minister Tarun Gogoi nem ‘maximum security’ agütsütsü ta nangzükogo.
Taoba hopta Centre-i Gogoi nem lemzükja aliba National Security Guards (NSGs) agienba sülen police-i iba osang metetdaktsü.
National Security Guards (NSGs) agienba sülen Gogoi-i Centre dak tai tongloktsü.
Prime Minister Narendra Modi-i nübortem anema mapa inyakba anema pai jembia aruba atema pa dak nung NSG agiener ta Gogoi-i aitsü.
“Union ministry of Home Affairs-i Tarun Gogoi nem agüja aliba CAPF (NSG) mobile security cover ageintsü lemtetogo. Iba telemtetba ya ministry-i dang agi aser state sorkar den asüngdangya masü” ta Assam Police-i metetdaktsü.
Taoba chief minister nem maneni Z-Plus security agütsütsü. Pa nem Central Armed Police Forces (CAPF) NSG personnel aser Assam Police nati mobile security cover agüja liasü, ta Assam Police otongdar kati ashi.