Police-i temesepba yi shibelener ka apu

Dimapur, May 19 (TYO): Dimapur nung  West Police Station nung Officer-in-Charge-i aniba police telok; police ketdangser, Vishal IPS (P) aser New Field check-gate nung duty inyakba police-i ozüng alema temsepba yi shibelener ka tan May ita 17 aonung apuba osang ka Addl. Dy. Commissioner of Police/PRO-i tanü sangdong ka ajanga metetdaktsüogo.
Parnoki aonung 10:00 ako meta New Field area nung senzüba garitem mitdang arishi küm 26 tain Pradip Sinha-i Regd No. AS01-B-AC-3481 truck gari ka nung ozüng alema shibelenba IMFL case 349 tashi lubricant totzü pongdang rongnung miima abenba apu.
Tripura kübok Chorai Bari nung tentetba Ram Nagar yimer, Praffulla’er jabaso, Sinha tang Dimapur kübok Half Nagarjan nung alir ta osang bushitetogo aser police-i pa pua ayuba den külemi gari aser temesepba yiji police station nung yua lir.
Ano, police-i Sinha anema tapet ken o benokba osanga kasa sangdong ajanga metetdaktsüogo.