Police inspector ka mapa nungi anentsü

Agartala, July 31 (Agenceis): Tripura nung Women Sub Inspector (WSI-UB), Dipanjana Saha-i mapa shitak meinyakba atema mapa nungi anentsüogo.
La ya Kanchanpur police station nung lemzüka liasü aser “negligence of duty” atema anentsü, ta North Dharmanagar nung SP-i tanü metetdaktsü.
Lai mapa shitak meinyakba aser tashimaitba indang osang aika sangoktsüba sülen la mapa nungi anentsü.
WSI (UB) Dipanjana Saha ya mapa shitak meinyakba, aibelena inyakba, zübazülemba aser duty shitak meinyakba atema tai tonglokja liasü.
La anema onük aika benokba sülen North Dharmanagar SP-i la mapa nungi anentsüogo.