Polio Vaccine ajem tasenba tenzükogo

Dimapur, April 26 (TYO): DPO (UIP/RCH), Dr.Temsuyanger-i sangdong ka ajanga, polio khenyongi samadaktsütsü atema vaccine virus densema live polio virus ajak samatsütsüla, ta metetdaktsü.
Tang tashi nung amshiba polio vaccine nung type 1, type 2 aser type 3 components (tOPV) lir. World Health Organization (WHO)-i, type 2 ya alima nung samadaksüogo ta September 20, 2015 nü  sangdongba sülen polio vaccine (bOPV) tasenba nung type 2 component madener.
Routine immunization atema alima rangben atema tOPV nungi bOPV melenogo.  India nung iba melenba anogo April 25, 2016 nü shima liasü. Mokokchung district nung tOPV vaccines ajakji raksatsü atema tanaben DPO (RCH/UIP) office nung benden.
Immunization tesemtem nung prokshitsüa atema Cold Chain Points ajak bOPV vaccines tasenbaji lemtsüogo. DPO-isa immunity tajungba asütsü atema Injectable Polio Vaccine (IPV) tasen adokogo, aser ibaji 3rd dose polio vaccine mapang tanurtem nem agütsütsü, ta metetdaktsü.