Political Affairs Committee-i telemtetba 2 agi

Dimapur, Rongchii (April) 30, 2018 (TYO): Rongchii (April) 30, 2018 nü Political Affairs Committee (PAC) senden ka amendang onük ana bangzünga renem.
Tanü PAC-i Monupii (May) 11, 2018 nü Naga nunger Tribal Hoho den senden ka amentsü aser Naga yimten tebilemtsü aser yimten olemtep dak sendakba onüktem benoka lemsateptsü lemtet, ta Chief Secretary & Member Secretary PAC, Temjen Toy-i sangdong ka nung metetdaktsü.
PAC-isa Rongchii (April) 22, 2018 nü Tuensang district nungi Tularam o Kudal na apurtem dang tena chioktsü atema mepishitsü lemtet.
State nung tensa meraksatsü atema tena purtemi meimchir aria bilemtepba tangatetba nung chioktsü mepishir. Tena kümzüktsü atema state nung ozüng amertemia akokba tashi mapa inyakdar, ta Temjen Toy-isa shisem.