Political party tem den Mon Deputy Commissioner senden amen

Dimapur, Luroi/August 15 (TYO): Deputy Commissioner & District Election Officer, Mon Thavaseelan K, IAS den Mon District kübok Political party tem ajak senden ka August 13 nü DC Conference Hall, Mon nung menogo
Senden nung DC-i, Electors Verification Programme (EVP) ya campaign mode programme ka lir kong nüburtem tejakleni arua tang aliba elector osang tejangja agitsü asoshi ajungshir ta ashi. DC-isa, ECI tetuyuba dak ajemdaker political party tem dang Electors Verification Programme (EVP) September 1 nü nungi 30 nü tashi agitsü asoshi sentong lir ta metetdaktsü.
Maneni pai, verifications inyakyim metetdaktsüba den facilitation centres; National Voters Service Portal (NVSP): Voters Helpline Mobile App: 1950 call centre (Senior Citizens aser PwD atema) koba Election Branch nung amenoka lir, DC office: aser Booth Level Officer (BLO) ajanga inyaksangshitsü iba indang metetdaktsü. Paisa item centre tem ajaka constituency teku prongla nung Assistant Election Registration Officer Office aser Common Service Centre tem nung angutsü ta ashi.
DC-i ashiba agi, nüburtemi parnok indang electoral details tem NVPS Portal, ‘Voter Helpline’ Mobile app mesera BLOs/EROs tem nem form fillup sür agütsüba janga jangjatettsü. Parnoki Indian Passport, Driving License, Aadhaar, Ration card aser Election Commission-i agizüker aliba kuli kaket-tem agüja iba form benoktettsü, ta ashi.
DC-isa Elector temi par kibong indang osang tejangja EPIC number amshia NVSP Mobile App & Helpline nung bushitettsü aser parnok ajak kibong ka ama longjemdaktsütettsü, ta ashi.
Maneni DC-i, political party tem dang Mon District kübok polling stations ajak asoshi Booth Level Assistant (BLA) shima benoktsü mepeshi.
Additional Deputy Commissioner & Electoral Registration Officer, Mon, Hiazu Meru-i political party tem dang Verifications Programme indang nüburtem nem metetdaktsütsü aser temsüa aliba voter tem den tongteprateptsü asoshi mepeshi. ERO-isa political party tem dang information technology amshiba nung peisasa update asütsü mepeshi.