Pollard ODIs 100 sixes yanglur batsman 4 buba akümer

Providence, June 04 (Agencies): Kieron Pollard One-Day Internationals (ODIs) cricket asaya nung 100 sixes yanglur West Indies batsman 4 buba yashi, Hokolbar nü kümogo.
Tang Rhode Islands nung tasayadak asaya telok 3 densemba ODIs series tetenzükba asaya nung par West Indies teloki wicket 4 agi South Africa madak takok ngua asayaba asaya nung arishi küm 29 tain Pollard-i otsüji yanglua liasü.
South Africa teloki yangluba runs 188 arishitsü merangba West Indies opener batsman anaprongla S Africa bowler, Imran Tahir-i asayadak nungi tugudaktsüba sülen Pollard-i batting asütsü tenzük.
Aji oda, Pollard-i 6 sixes aser 2 fours yangluba densema, ball 67 nung runs 67 tashi yanglua kanga junga asayaba ajanga par West Indies teloki yashi asayaji kokadok.
Pollards-i tan otsüji ajangzükba sülen külem asayar, Vivian Richards, Brian Lara aser Chris Gayle nunger den sako jenjang angur lir.