Polling anogoji ‘Paid holiday’ asütsü

Kohima, Monupii (May) 17 (TYO): Home Commissioner, Nagaland, R. Ramakrishnan, IAS-i sangdong ka ajanga, Nagaland nung taruba Bye election agitsü aliba nung ajemdaker, election agitsü anogo, Monupii (May) 28, 2018 (Tentonü) nüji state nung sorkar/nija establishments ajak nung mapa inyakertem aser dokanpurtem atema ‘Paid Holiday’ asütsü; iba ya parnoki pei vote temeden amshia shilem agidaksütsü atema lir, ta metetdaktsü.
Constituency adener inyakertem (casual workers) densema vote agütsütsüpurtem asoshia Paid Holiday asütsü.
Ajisüaka iba nung ya, pa/la inyakba mapa nung pa/la maliba ajanga lendong adoktsüsa mesüra takoksa angutsüsa süra item ama nisungtem nembo kasa maongka magütsür, ta kasa sangdong nungsa shia lir.