Polling ketdangsürtem dang allowance meshitsü metetdaktsür

Dimapur, Chiteni/July 03 (TYO): Tawa tembangba Parliamentary Constituency, 2018 by-election dak sendakba nung training/reserve allowance tem ya Chiteni/July 05 nungi Chiteni 17, 2018 anogotem nung Election Office Mokokchung nungi office mapang agütsütsü, ta Assistant Election Officer, Mokokchung ajanga sangdong ka nung metetdaktsü.
Anungji polling ketdangsür shirnoksa polling duty nung shilem agiogo, nenok ajaki iba sen agizükba mapang appointment order/ID Card/Authorization letter sayutsüla. Agüja aliba anogo süyiba sülenbo iba sen magütsütsü, ta kasa sangdong nungsa shia lir.
Grade-IV staff tem densema polling ketdangsürtem election duty nung madenertem nem training allowance magütsütsü, ta AEO, Mokokchung-isa metetdaktsü.