Poonam Pandey-i March 26 nü Colombo casino nung tsüngsangtsü

Mumbai, March 24, 2016 : Model aser actress Poonam Pandey-i March 26, 2016 nü Colombo nung aliba casino ka nung Bollywood indang nüngtugu ken kar nung tsüngsangtsü renema lir.

“Ni Colombo-i aotsü aser yangji aliba Bally’s Casino nung March 26 nü shilem agia party amungtsü. Ni iba sentong takok angutsü amanger,” ta Poonam-i ashi.

La ya Bollywood aser Telugu cinema tem nung shilem agir actress ka lir.

Poonam ya tang mapa kar atema kanga mazüngi aienlen jajadar aser iba den külemi sentong kar nunga adener.

“March ita ya kanga mazüngba ita ka lir. Film tangoka jajar dang mesük. Sentong aika nung shilem agitsü atongdaka lir,” ta lai ashi.

Poonam ya “Nasha” film nung mezüngsüa shilem agi, ajisüaka iba film nung shilem magidang yongi lai online ajanga la noksa tajung aser shin o tajung aika lemsatepba ajanga nüngtugu kümer liasü.