Poonch nung asemnübuba raradar

Jammu, September 13 (Agencies): Tanü agi anogo asemnübuba Jammu & Kashmir, Poonch district nung aliba Mini Secretariat nung security sepaitem aser telungpurtem tsüngda raradar.
“Iba complex nung telungpur ka mesüra ana alitsü imlar. Operation maneni odar. Iba kiji tamentep ana lir aser takdang aika lir aser telungpurtemi iba maongka agia kijiba balala nungi injang akar,” ta Army ketdangser kati ashi.
Deobar anepdang 7:30 ako nungi tenzüka raradang tang tashi nung telungpur pezü kahsetogo. Kasa rara nung police-a ka süogo.
Yasüng sepaitemi complex telungi aitsü merangdang sepai ana injang agi yirua liasü.
Yashi tatalokba dak sentakba nung DGP-isa, “Parnok nisung pezü mesüra trok liasü südi ta bilemer. Onoki telungpur tasümang ana nguogo. Ano telungpur ana tepsetogo. Ano telungpur ka mesüra ana anünga alitsü südi ta bilemer,” ta ashi.