‘Pop-Up Selfie’ aketba Moto One Hyper saya

Luchii/December 05, 2019 (Agencies): Motorola-i ‘Moto One Hyper’ ta nüngja agütsüba smartphone tasen ka sayatsüogo. Iba handset nung pop-up selfie camera keta lir, koba company indang mezüng pop up selfie smartphone ka asütsü.
Iba selfie camera nung 32-megapixel sensor aser tesülen 64-megapixel primary camera inoka yanglutsüogo. Handset tejaklen aser tesülen naprongla nung Night Vision low-light mode inoktsüogo.
Motorola One Hyper sports nung 6.5-inch full-HD+ (1080 x 2340 pixels) LCD display den 19:9 aspect ratio keta aliba angutsü. One Hyper ya Android 10 ajanga run asütsü. Tajung kaji, iba handset nung headphone jack aser microSD card slot keta lir. Snapdragon 675 processor den 4GB RAM keta aliba smartphone nung 4,000mAh battery ka inoka yanglutsüogo aser charging atema 45W Hyper Charging ajanga nungittsü.
Handset tesülen, 64-megapixel sensor den 8-megapixel sensor aser ultra-wide-angle lens keta aliba angutsü. Iba smartphone nung 128GB inbuilt storage angutsü aser memory ulua aginürtem atema microSD card teyari ajanga 1TB tashi atsülang amshitetter. Tanga feature tsütsü reprangdangra, handset nung rear-mounted fingerprint scanner den Dolby Audio keta lir.
Moto One Hyper handset ya Deep Sea Blue sentsü nung angutsü aser tang atema device ya America kisüng nung dollar 399.99 (sen 28,559) agi ayoktsü.