Pope Francis-i Africa November nung semdangtsü

Vatican City, September 10 (Agencies): Alima ajunga nung Catholic tamangba yimsü benshir lenisang, Pope Francis-i Kenya, Uganda aser Central African Republic (CAR) linüktem semdangtsü sentong renemba osang ka tanü Brehostibar nü metetdaktsüogo.

“Ozü lenisang, Francis-i taküm November ita 25-30 nü tashi Africa kübok densemba Kenya, Uganda aser CAR linüktem semdangtsü sentong renemogo,” ta Vatican-i osang jangjashitsü.

Francis-i linük asemji semdangtsü asoshi taoba mapang sentong renem saka meimlaba tetsüdakba kar ajuruba ajanga sentong renemba ama meinyaktet ta Vatican-i ashi.

Francis-i tawa tesendaktep tajungba küma yangluba Cuba o United States linüka taruba hopta semdangtsü sentong renema lir.

Taküm November ita Africa semdangba sülenbo, Francis-i Pope menden benoker mezüngbuba küm 3 nung Oceania dak alaka, alima nung tentetba continent ajunga semdanger akümtsü.