Pope Francis-i tan mezüngsüa Instagram amshir

Rome, March 18 (Agencies) : Pope Francis-i Instagram photo-sharing social network site nung pa indang account ka ‘Franciscus’ ta tenüng agüja lapoktsü, ta Vatican Radio osang ajanga Hokolbarnü metetdaktsü.
Pope-i Honibarnü Instagram account lapokba ajanga social media sabangtem nunga pa dena aliba mulunglem ka arutsü, ta Vatican Radio osang ajangasa ashi.
Francis-i Twitter account bo tamalen lapoka lir aser accoungt nung pa tenüng @ Pontifex ta amshir. Twitter nung pa follower million 26 lir aser iba züngdangbaji aiba kümdar, ta kasa osang ajanga ashi.
Instagram ya 2010 küm lapok aser tang alima ajak nungi iba sabang ya nisung million 400-i amshidar koba ajanga noksa aser video tem lemsateper.