Popsicle Ice Cream Factory nem tetuyuba agütsür

Dimapur, June 9, 2023 (TYO): Directorate of Health & Family Welfare-i Popsicle Ice Cream Factory, Dimapur nem ‘improvement notice’ ka agütsüogo.

Popsicle Ice Cream Factory, Dimapur dak sendakba video ka adokba dak sendakba nung Food Safety Team, Dimapur-i iba factory semdang aser FSS Act’ 2006 kübok improvement notice agütsü, ta State Programme Officer (Food Safety), Dr. John Kemp-i ashi.

Maneni, Food Safety Officer, Dimapur-isa State Food NABL Accredited laboratory nung Quality Testing atema sample kar bendenogo, ta pai ashi.

Iba dak sendakba nung Popsicle Ice Cream factory kibur nem anogo 14 züngzüktsür aser iba tsüngda FSSA Rules and Regulations nung lateta aliba ama mapa inyaktsü tuyur. Ajisüaka iba tetuyuba sülen manidakra Food Business Operator dak ozüngi melaba mapa inyaktsü, ta Dr. John Kemp-i metetdaktsü.