Madrid, December 21 (Agencies): Yashi, Deobar nü agiba Spain election sentong nung linük yimsüsü tashi abenba conservative yimtenren telok, Popular Party-i parliament menden timba ajangzükba osang jangjaogo.
Par teloki parliament menden timba ajangzük aka, Popular telok kijaibo tan election nung takok monguteti lir.
Spain Ato Kilonser, Mariano Rajoy-i aniba Popular teloki assembly menden 350 nungi menden 122 tashi ajangzüka temaba jenjang angu.
Par telok sülen anidaka, Socialist teloki menden 92 aser tan asensa tentetba Podemos yimtenren telok aser par telok den loktepba teloktemi parliament menden 68 ajangzüka lir.
New centre-right yimtenren telok, Ciudadanos-ia parliament menden 38 tashi ajangzükba osang jangjaogo.
Tan election nung Popular telok kijai takok mongutetba yong teloktep yimtenren telok ka tentetba sülen ang Spain sorkar tasenba tentettsüsa tang tia ajurua lir.
Popular Party-i Spain parliamentary election nung temaba jenjang angur added by asungba on
View all posts by asungba →
You must be logged in to post a comment Login