Porcupine Tree-i tang mezüng India nung kententsü

October 05, 2016: Coldplay teloki India nung kententsü aliba osang social media nung prokshiba mapang ka nung ano Steven Wilson-i (Porcupine Tree nungi) tang mezüng linük nung shilem agia ken atentsü, ta osang jangjaogo.
Bacardi NH7 Weekender banner kübok progressive rock kentener Steven-i December 2-4 anogotem nung Pune yimti nung aser October 21-22 anogotem nung Shillong nung shilem agitsü. Ano paisa November 5-6 anogotem nung Hyderabad nung shilem agitsü sentong lir.
Bacardi NH7 Weekender bandwagon, Shillong nung Farhan Live (actor/singer Farhan Akhtar), Bollywood kentener, Papon, electronic musician Dualist Inquiry densema linük nung kentener aikati shilem agitsü.
Tang mezüng Hyderabad nung iba festival akatsü aser iba sentong nung kentener/guitarist, Prateek Kuhad, Parikrama aser heavy metal band Bhayanak Maut nungeria shilem agitsü.
Taküm küm iba festival tatembangbubaji Pune nung akatsü, kong sitarist, Anoushka Shankar, kentener/guitarist Jose Gonzalez, dance music producer Nucleya aser Shankar Mahadevan nungeria shilem agitsü. Iba festival nung kentenba dak alia art installations, chiyungtsü stalls aser teka mapa balala sayatsü.
Bacardi NH7 Weekender Express-i Puducherry, Mysore, Nagpur aser Jaipur nunga iba sentong ayonga akatsü aser item sentong nung Nucleya, The Raghu Dixit Project, Indian Ocean, Papon aser tangartemi shilem agia ken atentsü.