Porsche-i sen lakh 76.84 alang SUV Macan R4 sayaogo

Mumbai, November 15 (Agencies) : Tanü Mongulbarnü Germany nung luxury sports gari yangluba company, Porsche-i sen lakh 76.84 alang (ex-showroom Mumbai) compact SUV Macan tasenba sayaogo.
Macan R4 model nung seven-speed PDK dual-clutch transmission aser Porsche Communication Management (PCM) keta lir aser iba den külemi gari telung aser tema nung ajaki junga reprangtsü feature aika lir.
“Macan tasenba ya compact SUV tajungtem rongnung ka lir aser nüburtem atsüa aruba sport gari ka asütsü,” ta Porsche India Director Pavan Shetty-i sangdong ka ajanga metetdaktsü.
Four-cylinder turbocharged engine aketba Macan gari ya tamshirtem tajangzük ngua aser jangratema amshitsü atema balaka atakteta yangluba lir, ta company sangdong ka nung shia lir.
Taküm küm tetenzüklen par company-i India nung sen crore 1.42 aser crore 2.66 alangba (ex-showroom Delhi) 911 model garitema saya liasü.
India nung Porsche meyong luxury sports garitem rongnung Cayman, Cayenne, Macan, Boxter, 911 aser Panamera tem densema lir aser itemji sen crore 1 nung crore 3 alangba garitem lir.