Portugal nung nisung merenshiba asoshi police 18 aitsüogo

Lisbon, July 12 (Agencies): Portugal police station ka nungi bendangertem dak ozüng alema mapa inyakba dak sendakba ken o nung police ketdangser 18 aitsü, ta prosecutor temi metetdaktsü.
Portugal yimtiba, Lisbon anasa 2015 küm bendanger nisung ka apuba anema bendanger asangor telok kati longkak aitba mapang police den raratep, ta Lisbon indang prosecutor office ajanga Mongulbarnü metetdaktsü.
Alfragide police station nung aliba police ketdangser 18 ya nisungtem dak taochi mesayui temerenshi agütsüba, ozüng ajanga temelaba meliaka tepuokdak ayuba aser parnok mapa nung aibelenba ajanga aitsü, ta kasa osang ajanga ashi.
Item police ketdangser ana nem bo temerenshi agütsüogo, ta Police temi Mongulbarnü metetdaktsü.
Nisung trok indang kinunger temi ken o benokba sülen prosecutor aser Judicial Police temi ken o bushisüngdang tenzük.
February 2015 nung tebur arishi küm 23 nungi 25 tsüngta nisung pongu police station-i oa parnok medemer kar Cova da Moura tesem nung apuba anema longkak ait.
Item nisung pongu ya police temi tepuokdak ayu aser mezüngmeshia amshi.
Parnok rongnungi nisung trok ghonda 48 tepuokdak ayu aser iba mapang police temi parnok ya kanga mejunga züka merenshi.