Post Matric Scholarship atema metetdaktsür

Dimapur, Luchii/December 10 (TYO): Nagaland nung Post Matric Scholarship (PMS) teyari agiba ST student ajak dang Scheme Implementing Agency ajanga 2019-20 küm atema Post Matric Scholarship installment tanabuba aser tatembangba lemsatsü tenzükogo aser iba Post Matric Scholarship indang beneficiary list ya Directorate indang website highereducation.nagaland.gov.in nung upload süja lir, ta sangdong ka ajanga ashi.
Kaketshir shirnok beneficiary list nung lir saka Scholarship ya December 17, 2020 tashinung mongutetra, pa/la indang tejangja den beneficiary list nung aliba serial number ya query.hescholarship@gmail.com dangi email asütsüla mesüra Com. Programmer 7005405552, OSD (Scho) 9615021554 den tongteprateptsü akok, ta sangdong ajanga ashi.